Mandalay Pan Kawlpi Manawh Meiteite Thu

April 9 in Mandalay International Airport pan People's Liberation Army (PLA)ki ci Meitei singnuaimite 9 Kawlpi lam manawh in Air Bagan tawh sun 1:30 PM in leng uh cih thu kiza hi. Khangno 4 le papi 5 pha uh in avek un smart thei mahmah uh ci hi. Amau pen Sen gam pan training man in hong ciah uh hi'n amakai pa in laptop khat len in airport sung ah vanleng transit ding ngak kawm in wireless tawh online hit hiat ci uhi. Taunggyi lam pan atuak suk dan uhi in vanleng tual ah Meitei pau mah in ciak damdam uh ci hi. Kawlpau zong siam mahmah veve le vanleng tual ah om mikim in zong lamdang sa in ki en ngeingai ci uhi. Kawl galkap kumpi in Meiteite hawlkhia ta ding cih le Meiteite taikek cih pen up mawh thugen hong suak zaw hi. Kawlgam sungah meiteite giahphual satna pen kip mahmah khin hi cih kitel san hi.