ALD te Kitelna Lutlo Ding

Arakan League for Democracy kici Yakhine party in zong kitelna lutlo ding cih April 10 ni meeting pan khensat ta uhi. ALD te pen 1990 Kum kitel lai in NLD, SNLD te nung ah MP 11 telcing in agualzo pen 3 na ahi uhi. Tua thu tawhkisai in ALDte Assistant General Secretary U Aye Thar Aung in agenna ah ' 2008 Gam Thukhunpi sungah Ethnic te ading bangmah lungmuan huaina omlo, democratic te ading zong bang mah lampi hoih kimu lo ban ah 2010 Kitelna Thukhun sungah thu kikhungte zong thuman lo lua ahimanin kitelna lutloh ding ka khen sat uhi' ci'n gen hi.
Party min piak kik loh ding le kitelna lut loh ding khensatna aom hangin Kawlgam ah democracy ngahna ding, ethnic rigth akim in ngahna ding le khantohna dingin na sep suak ding zong ALD makai pu in kamciam piak beh hi.
ALD Lutangpi sung pan President Saw Marat Aung, Vice Chairman 2 le General Secretary U Aye Phe in hong nusia khin ta uhi.

Src:RFA