Gamvai Tawh Kisai Muhdan

(1) ZNC ten Boycott ding uh pen amau ii Policy tawh kituaklo ahih man hi dingin ka um hi. A khensatna te bel lungkim pih mahmah leh Hi sa mahmah ing.

(2) CNP deihlo cih ziau pen limtak ngaihsut huai sa ing. Bang hang hiam cih leh alutnop uh leh amau thu hi aa, policy zong tu ciangciang ki thei cian nailo pi in pum deih loh pongmawk cihpen zong hisa keng. Ami deihlo maw or policy maw. Kuakua hita leh ami tung ah kinga lo in Zomi bup ading deih sakna taktak tawh ahih thei zah in a sepsawmte or a Policy Zogam a ding akituak leh hoihte ahih ding thupi zaw ding in ka um hi.

(3) Hih 2010 Election tawh kisai in, hih Zonet sungah naupang thukinial bangin i kinial den pen kipuah phat ding hoih sa ing. I deih kei leh tuabang teng hang in ka deih kei hi. I deih leh tua policy hang in kadeih hi cin dan in a kician takin thukikup ding pen hoih zaw in ka um hi. Tua bang hi leh thuhoihpi khat tua tung tawn in hong kilang khia thei ding in zong ka um sawnsawn lai hi.

(4) C deih pawl, Z deih pawl cih thapai tawh pen Kawlgam khuahun ah bel muibun lo kha ding hi hang.
Z - Deih ten zong Zomi bup ading mah aci uh hi a, C deih te in zong Zomi bup ading mah aci uh ahimanin tua Z leh C tawh hinawnlo in Zogam bup ading bang teng taktak sepsak ding uh ahi hiam cih, en phot le hang ut masa ing.
Z le C tawh kinialnial hun hi nawn loh lam pen i theih ciat ding thupi kha dinghi.

(5) Gamdang aom Zomi it ten zong online tung bekpan in na minam pih te uh hong it kei un la, na it na te uh na hih theihzah un hong lak khia ta un.(Gtn: No lam ah atam zaw Democracy tawh kiukna akizang zaw ahimanin tua lai ten hih bang in nakal suan uh, hi bang in na gam ta uh, mipi ading in hi bang in na nasem uh, namdangte lungsim puak zia leh athupit zia te,.... cih dan na muh te uh pen na it uh Zogam vua om na sanggam te kiang ah hong gen sawn un.)

Ngopi
Zogam
Src:Zonet