Kawl Galkap Kumpi in India Kumpi Tung ah Huhna Ngen

Kawl galkap kumpi in India te kiang pan galvan huhna ngen cih kiza hi. India kumpi langpang singnuaimite dona dingin galvan huhna anget uhi'n India kumpi in zong huh ding thukim ci hi. Tua thu tawh kisai in India ah om Kawl kumpi palai U Kyi Thein in UNI news agency ah a pulakna pan aki thei ahi hi. Kawlgam sung Sagaing Division le Chin State ah Naga, Manipur le Assam gamteng suahtakna dingin India kumpi langpang singnuaimi pawl 15 bang a om dingin kilamen hi.
India makaite le Kawl galkap makaite kimuh khopna a om sim in zong singnuaimi te vai mah kikup pi in aneih uhi. Nidang in zong India te in Kawl galkap te ading in galkap training, thaupi le galkap mawtaw tampi pia khin uhi.
Tutung ciangin bel gam nih kipawl khawm in singnuaimte do khop ding sawmna nei uhi.
Gal hong piang zongin kikap tangtang ding kilamne lo in singnuaimite lam pan ambush le galki mawl dan zangzaw ding cih lam en uhi.
Delhi aom NCGUB pan Dr Tint Shwe in agenna ah ' Buaina om te galdona tawh zawh thawh thu in lem thei lo ding ahimanin kikupna bek tawh kilemna ngah zo bek ding' ci hi. India le Kawl galkap kumpi nasep khop ding tampi asawm ban uh ah India pen Kawlgam ah investment abawl sung pan atam pen 4 na hi ta hi.

Src:VOA