Aizawl Khua Hun

1. Aizawl a Mizo Academy of Letters saina tawh 2009 sung Mizo pau tawh laibu kigelh 160 sung pana kiteel khia thumna ciang kipulak ta. Tuate:
1) "Fanu hmangaihna" by Lalfakzuala (Drama lam)
2) "Pipute Biak hi" by Rev.Dr. Zairema (L) (Biakna lam)
3) "Rinte-i Zunleng" bu Lalrammawia Ngente (Novel lam)

April 20 ni ciangin hih sung panin khat teel khia lai ding uh a, April 23 ni ciangin letsong piakna pawi zang ding cih thu kiza hi.

2. "Best of Asia Expo 2010" kici International Border Trade Show pen Aizawl Lammualah April 10 in kipan a, ni sawm sung kizang ding hi. Hih Trade Show ah Thailand, Bhutan, Myanmar, Combodia leh Turkey gam panin van zuakte kihel. Mizogamah hih bang Trade show a khatveina hi lai cih thu kiza.

3. April 13 ni-in Manipur Chief Minister O. Ibobi Singh pen Helicopter zangin Lamka khuapi pai-in hih bangin nasepna va nei.
1) Tuibuangah Mini Secretariat leh Sports Complex mun ding suang phum.
2) Tualnuamah Food Corporation Of India (FCI) Godown ding mun suang phum.
3) Tuibuangah Autonomous District Council (ADC) Building honna nei
4) Tuibuangah All India Radio Station honna nei.

Tuibuang pen Kuki control area hi a, Tualnuam pen Zomi control area hi cih thu kiza. AIR Station a pau zat ding tawh kisai Hmar, Kuki, Paite sung pan a kiteel ciangin mihing tam pen Paite pau zat ding ci-in kipsak cih thu kiza. Maan (photo) a mu nuamte adingin tawm kong koih hi.

Lungdam. GK
Src:Zonet