Kitelna A Lutsawm Party Thakte Kisittel

Kawlgam ah 2010 Kitelna a lutsawm party thakte pawlpi mite kinak sittel mahmah hi. A khankhiatna, alai simna, akhualzinna, zileta, lawm le gual innkuanpihte cihbang in Bio kicing in sittelna tuak tek uh ci hi. Party phuan thak te tawh kisai phalna le phallohna kawl tuibuah pawi khit ciang ki theitel pan lai ding hi. Party thak regis bawl pawlpi 11 pha khin hi.
March 8 in aki hawm khia Union Election Commission Law tawh kizui in sittelna ahi hi. Party phuat ding phalna ngahte in phalna ngahni akipan ni 30 sung in Union Election Commission te tungah Party makaipi tegel in register bawl thei ding ci hi. March 8 akipan ni 60 sungin Party thakte kisang ding hi. Tua hun khen khitteh party thak kingah nawn lo hi. 1990 kum in aom sa party thakte in zong register bawl kik ding kisam ci uhi.
NLD akipan ZNC le kum 20 sung haksatna, liamna, baina, sihna le vangik tampi pua in gamvai khantohna ding asem opposition tengin register thak bawl ding nial khin uhi.
UN akipan USA, EU, Japan le ASEAN gamte dongin Kawl Galkap Kumpi thu vaihawmnate dik salo uhi.
Kawlgam ah kum 20 sungin amasa pen Kitelna hong hi ding hi.