Aung San Oo in Thu Lel

Mipi Makai Daw Aung San Su Kyi innpuah kikna tawh kisai in, a upa Aung San Oo in akhawl kikna ding athu bawlna Zangkong Division Thukhen Zumpi panin reject cih ki za hi. Jan 21 in innpuahna khawl kik ding thu abawl hi'n April 6 in Thukhen Zumpi pan sanglo uhi. Thukhen Zumpi pan thu khensatna lai tawh Zangkong Municipal te phalna la kik in April 8 ciang innpuah kipan kik ding uhi.
Thu Khenni in Aung San Su Kyi lam pan Sitni U Nyan Win, U Kyi Win le Aung san Oo Sitni U Han To zum ah thukhen ngai in pai uhi.
Kawlgam thukhun sung ah gamdangmite inn le lo neih theihna ki phal nai lo hi.
Aung San Oo pen US citizen ahimanin unau khat ahih uh hang gam kituh theih om lo hi.
2009 May kha sungin American gammi William Jettaw, Aung San Su Kyi huang sung ah tuipek in alutsimna hangin thumanlo pi'n Aung San Su Kyi tungah kha 18 thongkia dingin Thukhen Zum pan dan aki piak laitak hi.
Src: Mizima