Tuimang Aksi Tuahsia

Dah mahmah hang ei guai,

Anuai a, Siantuangpa (Yangon) hong zaksak mah bang in, Tedim Cope's
centenary pawisim ding in Tonzang pan in manlong a taisuk pen,
Tualzang leh Tedim kikal ah tuahsia in ki bungh ahih man in, misi pen
14 ciang ki thei phot a, a liam leh a bai tampi tak om hi cih thu kiza
hi. Hih a tuahsia te sungpan in, ih Tuimang Siapipa U Langhkhansum
zongh kihel cih ih zakciang in nakpi tak in, ih mul kim in ih dah
mahmah hi. Ama luanghawm tawh kisai pen khualam ah a manlang thei pen
in puak toh ding in, Sia Haupu, Sia CDPiangte in buaipih hi cih thu ki
gal zak hi. Ei Tuimang pan in, pawisim pen numei leh pasal honkhat pa
in, tua motor accident sung ah tuangkha hi cih thu ki za a, kua teng
liam ngawh a, bang ciciang hiam cih ki za nai lo hi. Tonzang, Tedim,
ph ki ngah zo mahmah lo ahih man in, thu a thei ma sasa in update to
zel ni.

Hih bang in, lungdamna pawi sim in, ih tuahsiatna hang in, nakpi tak
in ih dah mahmah hi. A zawdeuh in, mun tuamtuam a om khuapih, tuipihte
in, ih dahpihna ih suun hi. Topa in hong hehnem ciat hen la, Pasian
thu tawh ki hehnem siam ciat ni.

A dah mahmah,

Sia Suanzakhupte innkuan,
Yangon

Dear Tuimang tate khempeuh,

Ih Tuimang khua a ding ih muan leh ih suan mahmah,ih it mahmah Pu Suum
/Sia Suum Cope Centenary Pawi sim ding a pai in,lam et het loh pi
in,Motor Accident in Tualzang leh Tedim ki kal ah hong nusia hi.Tua a
hih man in Ih khua phone ki ngah zo lo a hih man in,hih Email a mu ma
sa sa in,ih khua phone tawh na ho pih un.Mi 14 si ta in,a dang te zong
gim thei mahmah ci uh hi.
Tu lai tak Sia/Pu Hua pen Tedim ah om in,si luang puak toh zia diing
a vai hawm lai tak hi.Tu ni mah in ih khua ah ki pua to ding hi.Tua
hih man in,ih khua a om teng in,Tedim ah Sia/Pu Hau na contact ma sa
un la ,si luang pua ding in,mawk kuan pah kei uh hen ci hi.Sia/Pu Hau
na ho pih ma sa un.Phone numberTBC office phone--070-50039,Pau a
Ph--0949291972 hih phone tawh Tedim a om Sia/Pu Hau na ho pih ma sa
un.Hih ka email a mu ma sa sa in ih khua lam na za to sak pah un.Dah
huai lua ei.

Sian Tuangpa
Yangon
Src: tuimang@yahoogroups.com