Zogam ah NUP Party

National Union Party akici NUP party pen 1974-1988 sung Kawlgam uk Burma Socialist Programme Party pan in min kilaih to hi. 1990 Kum kitel lai-in Zogam ah telcing ngah omlo uhi. Kawlgam bup ah zong 2.2 percent bek telcing uhi. 2010 Kitelna ah NUP pan in mekuang luiding te tawh kisai thu thang khat om hi. NUP min tawh mekuang lui ding sungpan telcing dingin aki lam en le telcing ding akingapte in sum thoh theita ding ci uhi. Kitelna ah telcing nading mipi zolna ding ah akisam sum le pai ding teng NUP in pia ding cihna hi. Kitelna Thukhun ah mekuang luina mun khat ading atam pen Kyats lakh 100 ciang zatding kiphal hi. NUP pan in khamtung ah mekuang lui dingin adeihte uh bel bachelor ngah khin kum 60 gual sangsiapi lui sungpan deih pen uhi. Tua lo mipi theihkim figurete zong deih veve uhi. Khamtung ah Khalkha,Tedim, Tonzang, Matupi, Thantalang,Mindat, Kanpalet le Paletwa ah NUP party om lai hi. Falam ah bei khin hi. Tedim ah Khup Thang le Cin Kho Kam, Tonzang ah Pu Mang Cin Pau cih bangin miluite omlai uhi.