Wa le Uitalte Buaina

UWSA makai Pauh Yu Chan in March 31 ni in General Ye Myint kiang ah thu sungna lai khak kik hi. Thu 8 ngetna nei hi.
1) Mai Pauh gam huam teng Wa te khutnuai mah ah koih suak ding.
2) Border Guard Force akici gamgi cing galkap in kilaihna aom theih ciang Wa galkap te kum 60 aval nai lo te nasep piasuak ding, East North Command khut nuai ah Wa Battalion 10 koihna ding le Commander dingin Uitalte hi ding.
3) Boarder Guard Force tawh kisai in Northern Wa galkap te training kahna dingin Pansan, mai Pauh le Maimaw zat ding. (Note: Wa te Southern le Northern ci in Command 2 om uhi) 4) Wa gam sung ah om Palik le kiukna dante alui mah bangin koih suak ding, pension ne upate ading le Shan State Army te tawh kikap hun khat lai in alutang phumte' tuleta ahi tagah naupangte ading sumbei teng uitalte sik ding.
5) Wa gammi te ading national identity card akl matpongtin bawl sak kim dingin Wa te mawtaw neihteng khempeuh license bawl sak ding.
6) Wa Southern Command te tawh kisai zong Triangle Command khut nuai ah Batallion 10 in koih dingin galkapte training kahnang pen Southernte Head Quarter ahi Huih Awh le Won Hong ah zang ding.
7) Southern Wa gam ah ateng Wa mipi te neihsa lamsa ahi inn le lo, gankhawi te thumantak in neih theihna ding gran bawl sak ding le Northern lam ah hawl khiat loh ding.
8) Wa te neihsa, lamsa ahi sumbawlna te ah nasep pih gamdang mite hawl khiat loh ding.

Ci'n atung abang in deihna thu sung hi.
Uital te lam pan Cease Fire sung pan UWSA,MNDA le SSA te kiang ah April 22 ni anunung pen in BGF ah kilaih ding thu pia khin hi. A 5 vei na hun akhattoh sak uhi. BGF ah kilaih ding a utlo te 28 April ni in Black List in ciamteh ding ci uhi.

Src: Mongloi