1990 Kitelna ah telcingte adingin Parliament sapna omlo ahimanin NLD in mipi tangin uitalte thubawl ding sawm uh cih kiza hi. NLD in Parliament apiang lohna tawh kisai mipi tung zandiak in thumna aneih khit mah bangun, thunei ahi uitalte tungah zong thubawl ding sawm uh cih hi.
1990 Kitelna Thukhun sungah Parliament sap ding thu khun om hi. Tua thu khun tang tung zolo ahimanin thubawl ding hi ung ci'n Vice President u Tin Oo in gen hi. Daw Aung San Su Kyi in zong thukimpih ci hi.
1990 Kitelna man khit Parliament sap ding pen uitalte nasep ding hi napi, sap sak lo uh ban ah asap sawm ahi NLD makaite le ethnic makaite mawhna tuamtuam paulap in gilbem kipuak zawsop hi.
Special Relief Act kici midang khat hangin supna, baina atuakte in amau sup le bai na pan noptuam kik theihna dingin Thukhen Zum ah thubawl thei hi. Tua Act tawh kituak in NLD in thubawl sawm ahi hi. Mipi telcingna angah uh hangin Parliament kisapsak lo banah bangmah sem theilo dingin kibawl ahimanin supna lian lua ci uhi.
Galkap makai Bo Than Shwe tungah NLD in thubawl khin uhi napi Thukhen Zum pan nial sak uhi. Thuman lo te Thukhen zum pan thu le la tawh kituak in ngahkik theihna ding NLD in thubawl ding sawmna tampi nei lai cih zong kizak beh hi.
Monday, 12 April 2010
NLD in Uitalte Thubawl Ding
Subscribe to:
Post Comments (Atom)
Posts
No comments:
Post a Comment