Bo Soe Win in Beh Pastorte Sermon Pia

April 9 in Kachin Baptist Convention (KBC)nuai ah om biakna makaite Kachin Theological College (KTC)pan ni 20 thusinna a man ni'n Northern Command pan Commander Bo Soe Win zong va pai hi. Bo Soe Win in Pasian nasemte kiang ahanthotna ah ' Irrawady gunkhawm ah lamding aki vai hawm tengkipite (Dam)tawh kisai khawl kikna ding biakna lampan nong langpan na un. na thu ngetngette uh khawl zaw un, KIO te zong gamgi cing galkap dingin (BGF) aki laih mengmeng ding na hanthot sak un ci'n thugen hi. Tua ban ah 2010 Kitel ciang me piak ding le Shalom Foundation akici Ngein Foundation te nasepna te ah panpih un ci'n thupia sawn lai hi. Shalom Foundation pen Kawlgam ah innphual pan aki nei NGO lak ah alian pen hi. Anei pa Rev Dr Saboi Yum pen nidang in KBC ah General Secretary sem ngei in uitalte ading amimuan mahmah khat uhi. KIO le Uitalte kikal ah 1993 Kum in tualgal daihna ding ahi ceasfire apian theihna ding asem khia palaipi ahi hi. Bo Soe Win in KTC ading Kyats lakh 10 huhna pia hi. KBC sungah pawlpi mi 400,000 kim phading in kilam en hi.

Src:KNG