Kachin Gunkhawm ah Bomb Puak

Kachin gam Irrawaddy gun-nak ah kilam Gunkhawm Dam Project huang sung ah April 17 ni zingsang 4:45 AM in bomb puak kham damdam ci uhi. Kawlgam Electric Ministry pan No 1 electric production department le Sen gam pan CPI Coporationte nasep khopna ahi hi. Project bup ading contract ngah bel Kawl galkap kumpi tawh aki uitui mahmah Asia World company nei Tun Myint Nai kici Steven Law hi. Bomb akigawm tang 39 bang pha dingin aki lamen hi'n tang 27 puak kham ci uhi. Bomb puakna mun pen Asia World companyte communication zum le Sen nasemte om na gei ci uhi. Sente mi 4 si, 12 liam, inn 2 kicim, mawtaw 2 sia ci uhi. Kachin Gunkhawm Dam Project hangin mailam ah Kachin gam sungah kimlepam tawh kisai nakpi in siatna piang ding ahimanin Kachin mipi bup in thungetna, lungphona, langpanna tuamtuam tawh anial den uhi. KIO in tulaitak Gamgi Cing Galkap BGF kilaihna ding vai tawh kisai mipi kaikhawm in thudotna ding avai hawm laitak tawh zong kituak hi.
Src:irrawaddy