Zomi Min Tawh Kitelna Ki Lutlo Ding Hi.

Zonet sungah na thugente uh ka etet teh atamzaw in Zomi Party khat dinding hoih asa nahi mawk uh cia mataw.

Gam sung ah bel tutung kiteelna pen 1990 kum kiteelna tawh akibang hetlo in namu ung. Zomi min zuakhuai hetlo in namu ung. Tutung kiteelna alut peuhmah pen uital tawliak in akiciamteh ding hilel hi. Zomi uital tawliak lakah hong kihel ding kaphal hetkei uh hi. Zomi mintawh lutding agengente zong khatvei mahmah zong ZNC apanpih ngeilo vive hi zawsop hi.

Lung himawh kei un. Tutung in Zomi min tawh lut vetlo dingin na khensat khin ung. A lutsawm teeiteei a om leh ama' tavuan hiding hi.

Kimawlna pak hilel hi. Uital te' ii brainwash lawmlawm Zomi te'n thuak sawm kei ni. A road-map uh akipelh theihna ding lampi tampi omlai hi. Khat bek honggen leng, Constitution sungah kawlgam bup ah thautawi khatbek omding ci hi. Tua bekbek zong uital tading in vai haksapi hikhin hi.

Zomi mintawh dinding vai bel ngaihsut inzong nanei kei lel le uh cin. Sianggen leng koi mah ah asum apai tawh ading zoding hi tuankei uhteh. Va lut dingin lel laileng bangzahta in zumhuai ding cihkhawng zong ngaihsut huai hi. Uitalte' deih mite lobuang in hong ngah hetlo lelding hi. Na en gige un.

Zomi lung himawh ken. ZNC pen uital te' hong sukmai zawh ciang lelding hisamlo hi. 1992 kum pek in asihsak sa uh hi. Si hiam silo hiam nakan in. 2010 khiteh ZNC hong thahat tektek laiding hi. Lung himawh vet ken.

A Lung himawh hetlo

Thangboi
Zangkong
Src: Zonet