Zangkong ah Misane Kawlte Numei Khat Kiman

Tukha sungin Thanlyn, Zangkong ah thuthang khat om hi. Thanlyn Zatopi siluang koihna a om misi luangte akhut, akhe le alungtang cih bangin gan hing nek bangin na kimlo den hi. Misite sanggamte heh lua uh ahimanin Zato thuneite tungah nak mawhsak mahmah ban ah kitom gawp liang uhi. Tukha kipat sung bekbek in misi luang 18 bang in thuak uhi. 4 April ni'n Zato thuneite et cik kawmkal sung mahmah ah misi luang 4 ki ne veve ci uhi.Tua vai tawh kisai in mipi sung ah laulawng gawpna tawh up mawh genna tam mahmah in, ngalkhohang, tawmi, zatui ding kila cihbang in ki nak gen mahmah hi. Zangkong khuapi Division uliante in zong tua thu azak uh ciang April 5 ni delh pah in thukan sak uhi. Nakpi tak in akan uh ciang siluang tawh anai pen ah om ahi misi luang koihna inn acing Kawlte nupi khat na hi gige hi. Lungsim manlo, ahai simsim hi aci zong aom hangin mihing sa duh cih pen lip khap huai mahmah hi. Tu in tua numei nu kiman khin hi. Nidang in zong palikte in atheih gegu uh hang manlo uhi aci zong om hi. Kawlgam pen tunai kum akipan tukum dong behiang kum bangin haksatna, gimna,tualgal thu lamdang tampi hong piangpiang mawk hi. Paunak sung ah khuavak kuan ciangin khuazing pen hi cih tawh kibang hi.