Wa te Deih Ngetna Ngah Lo

April 9 in UWSA te Phualpi ahi Pansan ah Wa makaite le uitalte'Triangle Command pan G1 honkhat kimuhna nei uhi. Tua tengah uitalte in Gamgi Cing Galkap ahi BGF ah 100 percent kilaih ding bek thupia uhi. Wate deih nget tuamtuamte sang zolo uhi.
April 9 ni zingsang 8:30-10:00 kikal kihona ah Triangle Command pan G1 Lt Col Than Htuat Thein makaih Triangle Command, Eastern Command le Tant Yan Regional Operation Base pan G1 vive akigawm 10 le UWSA pan Vice Chairman Shou Min Shan makaih Wa makaite kihona pan vai lemlo hong suak hi.
Uitalte lam pan Bemte tungah agen uh anuai ah dan hi.
1. 2008 Gam Thukhunpi sung ah dan mah in Wa Union Territory gam sung ah Maipauh le Mai phian guan ding pen piang thei lo hi. Tua gamte pen Mai Yan gam sung ah om ahi hi.
2. Wa UT gam sungah om palikte vai le kiukna lam tawh kisai zong patauh ding omlo hi. BGF in hundred percent kilaih khin peuh leh gamsung kiukna tawh kituak in ki kalsuan ding hi lel hi.
3. Wa UT gam sung ah om mihaute sumzuak, sum lei nasepnate zong patauh ding omlo hi. BGF in kilaih khin peuh leh Kawlgam policy tawh kituak in vai kihawm ding hi.
Hih uitalte thupiakna te tawh kisai UWSA sungah meeting tukik in kikupna nei kik ding ci uhi.
Wa gam kuamteng um cih in uitalte in mun le mual teng ah galvan akim tawh mun la khin uhi. Wa te lam pan in zong zah tuan lo uhi.

Src:Mongloi