Tedim Khua Mial

Tedim ah kum dang mah bangin khalsung lutta ahimanin tui tawm in mei man nawn lo hi. Adiakdik in Lawibual veng ah mei apai loh kal khat phata ci uhi. Leilum vengah bel thukante zum om ahimanin mei pai zaw deuh ci uhi. Myoma, Sakollam veng lam zong angeina mah bangin VIP Specialte bek in mei ngah zaw deuh ci uhi. Tui le mei mah haksa kisa pen hi. Tedim pan lal khiat ding haksa akisak mahmah hangin mei le tui haksana hang mahmah in ut lo pipi in aki taisan zong kici thei hi. February kha sungin Prime Minister Thein Sein le apawlte Tedim apai lai in,Electric Minister in Tedim ading mei khuam 100 kam tawh pia hi. Mei pailo ahimanin aki zat theihna ding om pha lo suak phot hi.Tedim ah ulian zin atunna ahi Buzung akl LIB 269 te kiang bek mei kipia in khuazang in mei ngah lo uhi.Tedim ah Electric Minister Bo Khin Maung Myint a om sungteng khuazang in meimit cih ciamnuihna in kigen hi. Kawlgam ah 2010 Kitelna vai dingin gamdang ah om Zomi sung le leitungbup ah si le nangin akigen hangin Tedim ah mei le tui haksatna, nuntak haksatna mah kibuai pih zaw in, gamvai kiphawk zolo ci liang uhi.