National Convention 1993-2008 Kah Chin State Palaite

1993-2008 sungin Uitalte makaihna tawh amau deihbang in abawl uh National Convention aki ci leitung tangthu sungah asau vei pen ahi gambup khawmpi pan in 2008 Thukhunpi hong piang khia hi. Chin State pan, mipite tangin Khawmpi kah palai dingin uitalte teltuam ahi mipi tel cing ahi lo mi pawlkhat zong vakah uhi. Gualtung tuan nopna, maipha zonna, milak utna, Zangkong pai nopna, zato amawkna in kilah theihna, aituam phattuamna, thu manna, vang deihna, gamvai ukna, mipi noptuam nading nasep nop na cih bangin lungsim puak tuamtuam tawh zong va kihel kha thei mah ding uhi. 1947 Feb 12 in Kawlzang mipite le Mualtungmite in Mangkangte khutnuai pan suahtakna lakkhop nading tawh kisai in suaikaih ahi Panglong Thukimna sung ah kihel thute hong nusia le mangngilh bawl in Khamtungmite thuneihna omlo 2008 Thukhunpi hong piang khia hi. Tua mun ah hih mipi tangin apai palaite in bangmah mapang lo uh cih kitel hi. 2008 Thukhunpi hangin hong piang ding thusia lasia ahi zongin thuhoih la hoih ahi zongin, hih palaite in vaipuak nei ding uhi. Asia, apha tangthu ah tangthu siate le mipi in ciamteh ding hi. Palaite pen limlak tawh kizui in anuai a bang hi.

Pa Pum Khan En (Tedim), Dr That Maang (Haka), U Ge Leng (Mindat), Daw Sasu (Paletwa), Pa Hau Khan Mang (Tonzang), U Kyaw Sein (Paletwa), U Ha Yan Luan (Thantalang)

U Lal Tin Mang (Falam), U Pi Li (Paletwa), U Ha Sheng Bui (Mindat), U Ngun Ha Ram (Thantalang), Dr Ru Uk (Matupi), U Sheng Ge Ngai (Kan Pa Let)