Kitelna Bek tawh Kawlgam ah Gamdaihna Piangsak Zolo Ding

Kawlgam ah 2010 Kitelna in kum tampi sung apiang khin gamsung buainate siangsak zolo ding hi ci'n Zomi National Congress Makai Pu Chin Sian Thang in gen hi.
'Kawlgam ah 2010 kitelna tawh gamdaihna ngah zo tuanlo ding. NLD te zong kitelna lutlo ding cih khensat khin uh, Daw Aung San Su Kyi in zong kiholim (dialodge) masak phot ding Galkap kumpi makai Than Shwe kiang ah lai khak in a gengen khit sa hi. Kawlgam sungah gambup kiklemkikna (national reconcialation) ding vai hawm masak ding hi'n kitelna masak ding hi lo, bawl zong kisam nai lo, kul nai lo hi, mi pawl khat in kitelna bawl leng gam ading kikhelna piang zo ding cih lam en kha uhi, tua pen ngaihsut khialhna hi' ci'n ZNC Pu in gen hi.
Zomi National Congress in 2010 kitelna ah lut loh ding le party register loh ding April 3 in khensatna nei uhi.
2008 gam thukhun tawh kisai puahphatna om lo pi'n kitelna lut ding, 2008 thukhun zui den ding le gamvai nasem thongtangte suakta lo le kiheltheilo ding cihte kawmkam kal kitelna lutloh ding diksa pen uhi.
NLD te Shwegonetaing Statement panpih suak ding, CRPP nasepna te zomto suak ding le mipi deihna kalsuanna le nasepna nei den leng party khat mang thang lo le ki tul lo ding cih ZNC upna hi.
Zomi National Congress in 1990 kitelna ah mun 4 pan mekuang alui uh pen mun 2 ah tel cing ngah uhi. 1992 in galkap kumpi in ZNC phiat sak hi.

Src: Khitpyiang