Chin National Party Min Tawh Kitelna Lutding Minpia Om

Chin National Party cih min tawh 2010 kitelna lutding Union Election Commission ah April 7 in minpia khin cih April 8 ni aki hawm khia Mirror le News Light of Myanmar ah suak sak ta uhi.
Party lutna ka neih leh ZNC ah lut ning ci'n kamciam apia khinsa Cartoon Sya Zozam in President mun lading cih thu kizak beh hi.
Falam khangno mipil khat ahi Thian Uk Thang in General Secretary sem ding ci uhi.
Thian Uk Thang pen lai at siam khat hi'n Chin Journal ah Editor hi.
Chin National Party policy zakna om nai lo hi. Ami ding zong om nai lo dan hi.
Zomi bup le Kawlgam bup lungdeih Federal Democracy gam suah ding bel hong makaih zawh ding uh lam etna om lo cih zong mipi in gen uhi.
Chin National Front akici CNF ah President 1988-1992 sung asem ngei Dr No Than Kap in anung pan uk in sumlepai kisam te panpih ding zong kizak beh hi.
CNP party kalsuanna te en cik lai ni.
1990 kum akipan kum 20 val haksatna, buaina, gimna, tawlna, sihna, bawlsiatna leh tangthu ah om ngei lo ding ki simmawhna te thuak in Minam ading apang Zomi National Congress pan aki khensat thute awl mawh lo in, zum nei lo in thu hong vai hawm CNP te en cik lai ni. Uital te in khat vei khawng ngik le uh hong bei pah kha thei ding hi. En cik tek ni.