Aki Theikha Khollo Zomi Khangnote Phattuamna

ZNC in kum-20-val na sepna ah ih mipi ading sep theihna aki ngah nai loh hangin lam khat pan ahi thei zahzah in,Pilna lam ah khangnote ading hamphatna pawl khat ki ngah sam hi.AC ah Manglai sin khangno-40val bang sang ki kah sak khin hi.BC ah 15 bang hi. AC ah sum tawh kah hi leng kha khat in USD-50 kim hi. Mi khat kha-9 sawt hi. Level 3 hi'n mi khat ading USD 450 bang hi. Hih pen mi 40 tawh na khang sak le uh teh amanphatna kithei ding hi. AC ah asang pen level 6 ciang hi. Tua khitteh Indiana University ONLINE pen 2005 kipat in party tampi sung pan khangnote ong sam uh in English 4 skill tawh entrance ki phi ngei hi. Tua lai pan mi 5 bek kiteel hi'n tua sung pan Kap Khan Khual in ngah hi. Ahih hang kum nihna azawh khit 2007 September buai sungin ki man a, kum 8 thong ong khiat sak uhi. BC leuleu ah,kha thum ciang USD 280 hi'n kha 18 kahtheihna ong pia uhi. Akah khin leh akah lai khangno 15 kim pha hi. ZNC te cih bang hi lo in, Zomi khangno sung pan laideih le a ut peuhpeuh ki thauhkhan in ki kah sak hi.BC ah online mah tawh University kah khat om in, kum 3 sawt ding hi. Social Science sin uhi.Tua ciang in Zomi khangnote ading conversation club khat ong pia uhi.

Hih Embassy sang kah nate pen,ih minam party min tawh ih dinna hangin akingah le aki muthei pah ham phatna khat hi.Zangkong ah zong sumnei tampi aom hang akawl, avai in sangkah ding hamsa sa uhi.Manglai lam bel ahanciamte siam tuak dan uhi.Gam thu ah bel bang aci uh tam. Zomi khangno te in mang azong ih mat khak loh hamphatna khat hi.

AC: American Center, BC: British Council

AC ah akah ngei -khangno khat

Src: Zonet