DAHPIHNA LAI

To/- Khuapih tuipih teng,

A beisa hun in kuamah tek in zak ding in,ih ki up vet loh leh zak ding in zong a hun cing nai vet lo, Tui mang ta te sungah ih zak khak, thu tampite lakpan in Pu Cin KHan Khup leh Pu Langh Khan Sum in lam et hetloh laitak hong nusiat tak ciangin Tuimangta te LAM ETNA tampi leh MABAN tampi tak te ki taan mahmah ahih man in Khualehtui ki dah mahmah tek hi cih hong gen masa nuam hi. Kawlgam bup ah Kumpi zalian te bek tuahsiatna hilo in, Zomi bup ah zong aki laina tek hi aa, tua sungpan in ei TUimang tate in silehsa ki it na bek hilo in, Khua mi U Lian i neih na tawh zong ih hamsiatna DAHNA LIANPI ih tuak hi cih kong gen nuam masa hi.

Hih te gel bek kong gen ciangin a dangte it kei hang cih na hi lo hi. Khualehtui ih Lutang leh muanlehsuan zaw deuh ka cih na hi aa, a dang dahna te zong ki dah mahmah hi cih nongna san sak nangun zong hong gen thuah lai ing. Ih khua khantoh nadingin hong madawk zaw deuh te i cih na hi aa, tuahsiat na tektek lak panin, a mau innkuan leh ulehnau bek tuahsiatna hilo in, ei khua mahmah ih kamsiatna lianpi hi cih in ngaihsun ka hi man in tunidongin ka vak na peuh aa, mi khempeuh tungah na gengen kha liang ing. Tua a hih man in hun ngah hetlo pi in DAHNALIANLUA ahih man in lai hong at khia ka hi hi. Tu ni dongin ih dikngek na lai tek hi.

Tu tung a pu Sum hangin adah khempeuh tungah tha ih lak khop tek ding in 'PASIAN THEIH LOH A THUPIANG KHAT ZONG OM LO HI'. Ei te hong piangsak pa in hongnusia te bek hi lo in, adam laite zong hong van zo mahmah lel ding hi cih in ih mai lam ah dingin THA la ciat ta ni. Tua ban ah Zom Tuang te unau teng leh a tu ata, asung a pu te ah dingin kong thungetsak na uh in ''TU A, DAHNA TE PEN, AMANG NGILH DINGIN PASIAN IN HONGSIAM TA HEN AMEN' cih hi pen in. Joseth in zong a dahna teng mang nilh zah dong in thupha ngah hi ka cih nopna ahihi. Tua Joepth a siampa pen ei ma Pasian mah ahihi.. Ih thulupi nih tawh tha la in, ih maban ih zop toh lai ding te ah thanem lo aa, tha kikhauh sak aa, ih hamciam ding in, banban limci tak a nei te i hihi. Pu Sum in zong a nuntak lai aa, hamciamtak aa, innkuan leh khualeh tui ah ding a deihsakna pen ih tangtun sak leh a mah ih itna hi pah ahih manin, a tate tengin ka Pa hong deihsakna te tangtungsak ning ci in na hamciam nak uh leh napa sihsia ahi zong in, ama a dingin sih nuam hong suak dinghi. Khua mi te in zong khua tuahsiatna pen tuah phatna ahih nadingin Sia Sum hong vaikhak Pasian Thu leh Pilna te i tangtun sak ni ni in, ama a dingin sih nuam mah hong suak veve ding hi. Hih teng kong at theih hi hen la, a dangteng HEHNEMPA KHASIANGTHO in hong heh nem ta hen Amen. Gen khialh a om leh nongna maisak un la, ahoih thute hangin asim mimal tungah Pa Pasian in thupha hongpia kim ciat ta hen Amen.

Na U Suan innkuan,
U S A TUimang tateng tangin
Src: Tuimang groupmail