Freedom News Groupte In Bo Khin Nyunt Video Clip Tungah Amuhna

Kawlgam Military Intelligence Pu lui Bo Khin Nyuntte nupa Chife Police Bo Khin Ye makai in amatna mun uh alaihna video clip pen tusung a thang vauvau ei theih tek sa mah hi. Freedom News Group pan founder pu khat ahi Ngein Chan Ngein in tua video file sungah ummawh hau ahimanin University of Colorado ah Film Department pan hong sem nem kik hi. Video sungah om cut, elementte second khat sawtzah tan ii azah za khat sung pan khat dong sem nen in hong kan khia hi. Ama muh khiatna ah Bo Khin Nyunt pen a om na mun pan akituah takpi mah hi. Apaina uh ah atungpih ciang mainul apia numeino hon khat le gilbem zum ah nasem khat in anung pan tawn phei atutna ding kawk ahimanin zahtakna om lo cih kimu thei hi. Bo Khin Ye alutma galkapte in galdalna (Barricade) lakhia masa in, security alak dan uh I muh tek dan mah hi. Inn kong khak akiuh dan uh pen zong, azenzen in kong khak kihon kei leh thatang tawh ahong ding dan uhi. Mi tampai pian uh ahimanin aman ding ngiat in apai cih zong kilang hi.
Bo Khin Nyunt in kongkhak ahon ciang Bo Khin Ye in slam apiak pen galkap sung ngeina hi lel hi. Lamdang lo hi. Kumpi thuneite ngeina ah pen amimat akl amikepte uh mundang ah tuah ding ciang le mikhat peuh tawh aki muhsak nop uh ciangin akisam ding teng kiging khol sak uh in ahun ciang sam khia in, paipih uhi. Bo Khin Nyunt maitang puakdan(mood) pan aki sap khiat ding lam athei khol dan suak hi. Daw KHin Win Shwe mood bel telhak ci uhi. Numeite ngeina ah pen nopna, dahna ah kap ding bek thei uh ahimanin tel hak hi.
Upmawhna khat leuleu ah Bo Than Shwe in anungzui te theih dingin, hih video clip hong bawlsak hi cih zong om hi. Thumanglo te ki hici tawsat ding cih lak dan hi. Amun pen Bo Khin Nyunt innlian hilo ding hi, A pasian tau pen Bo Khin Nyunt inn ah zat pen hilo ci uhi. Tua pasian ah milim pen tu a kimu sang golzaw in mi mawkmawk in bia theilo, avangphate bek in bia thei bek ci uhi.
Hih video clip ah Cut 16 pha in, hun la mahmah hi. Tuma kha khat sungin aki zaih hi. Video sungah active adang kidawkte pen Bo Khin Nyunt omna inn hi’n active kidawk lo te pen mun dang dan hi. Padenpauh ah sik kongkhak thuapnih kithuahna te kimu ahimanin Insein gilbempi sung hi ding in ki um mawh hi. Tua mun pen mung dang khat ah paina dingin atawlnga pak dan uhi. Animit le amun kibang lo nam 4 gawmtuah in video khat hong suah uhi’n a camera bel khatbek mah kizang hi. Panasonic AG HVX 200 digital camera tawh akizaih hi’n alam dangna le alung lut huai mahmah ah avek un camera lens lam a et vet loh uhi.
Daw Aung San Su Kyi tawh kihona ding le Mualtungmi ethnic thautawi pawlpi tuamtuamte tawh kiho theihna ding ah Bo Than Shwe in zat sawm aci zong om hi.

Src: FNG