Bo Khin Nyunt Vai Thuthang

Bo Than Shwe direct thupiakna tawh Bo Khin Nyunt le azi Insein gilbem ah kiden lawh ci uhi. Pawl khat in bel Aung ta Pyi ah hizaw ci uhi. Bo Khin Nyunt amatna video uh uitalte in hong lah khiat pen amah adeih galkapbute tungah hi ci nu the cih theihsak kholhna dan hi aci zong om hi.
Akimatna thu bel amilui teng tawh kizom kik in na lianpi sepsawm dingni ki pan uh cih hi. Akhut zatpi le amuanpite ahi Kyaw Thein le Kyaw Win in ki nak pei mahmah uh cih zong thu thang mahmah hi.
U Khin Nyunt hita, avangkiam hun ahimanin asam nangawn amah le amah in amet ci uhi. Akimat laitak in akampauna ah ‘ kei pen Kawlgam langpan hi lo, no hong koihkoihna ah aom hi zaw ing’ ci’n agen pen amat lai un a kihelkhate kam pan kiza kik ta hi.
Ataktak in bel Bo Khin Nyunt in amilui teng tawh nasep lian kipat kik cih sangin, tulaitak galkap sung ah Than Shwe, Maung Aye le Aung Taung, Maung Taungte ki thuak zo nawnlo, ki mu dah mahmah ta in, Bo Khin Nyunt makaihna lam ah kilungleng ta hi ci uhi. Aman dingin apaite nangawn in ngongtat ngam lo in, zahtak mahmah lai uhi. Asawtlo in galkap sung ah kikhelna tampi hong piang ding cih zong alam en tam mahmah hi.

Leitung kiuli ah Zomi khempeuh kidah kikap mah hi. Tuabek tawh khawl ding maw. Lengtongblog pan kilawm saklohnate hong ki gente heh le thangpaihna tawh phunphun in nitum ding maw. Huhna pia tek ni ci'n media sem aki cite nanganwin bangmah thupuak nei zolo in, huhna apianuamte in sum hong khak un cih bek gen ding maw. Leitungbup Zomi Kipawlna hi ung ci in meeting sam in, bangmah lah khuasuah zolo in din khawl ding maw, Leitungbup Zomi Innkuan hi ung ci'n gengen napi akisap hunlaitak bangmah zong paulo, hamlo,naklo in, hong nusia sanggamte sang misi abang zaw dan in om ding maw... maw.. maw.. maww.. cihikmul bek suak lo maw.. mun khat pan.. pang ning cingam lo ding maww.. pasal ahizong in.. numei ahizong in... itna nei lo maw.. maw maw.. kuamah in apan loh ding mah aki ummawh sa mah hi sam.. Zomi National Congress le akinai huaiteng mah hong diang ding in lam en pen ung.. Nov 7 Kitel lai in metang deih in uipi vakthap bangin khukim khuavel ah ciltui kai liang, sokleng bang in mai khum sak, kam khum sak in mipi amai ette tu in koi ah tung hiam cih zong theitek huai sa mahmah ung. Zogam le Zomi it ing ngai ing ci'n agengente le la sasa in anuntak lawhte zong hong ki en gige hi cih thei tek un. Siamsin le khangnote in amau thatang neihzah tawh na en, na khoi, na pham, na huai khin uhi. Lengtong Blog pan muan dang suan dang nei lo in ZNC makaite vai hawmna hong kingak le hong ki en hi ta hi.
Src: Moetheezun