26 Nov in Tualzang Khuataw Ah Thu Piang Taktak

26 Nov ni'n Tualzang khua taw ah tuahsiatna vai tawh kisai lengtongblog in thu tampi hong kisuah khin hi. Atamzaw pen Tedim ah a om veve ahi uh hang, tuahsiatna phualah apha lote thugen hi ci'n kozong ka ciapteh mah bangun, lengtongblog hong sim khempeuh in zong hong theih siam mai un, tu in bang piang taktak hiam cih hong pulak theiung.
1. Mawtaw pen Chin Taungtan hi'n Tahan ah Cinpu mawtaw hi. A mawtaw hawl pen aminpi kithai nai lo in, amin pen Yebaw cih hi. Amah pen mawtaw atuahsiat ciang taimang in, am kham gawp ahimanin, anipenna khua khat ah dai phukha in, sibup hi. Tua khuate in Tedim zatopi dong ah puak uh in, tu'n Tedim zatopi ah khuaphok lo in om in' apianna apa in giahpih hi. Mawtaw spare pa bel motor tung pan lengkhia man napi, thu le la thei ahimanin Tedim Palik Zum ah ki ap khin'n tu in Tedim gilbem ah om hi. Tua thu tawh kisai tuahsiat lai in. adelh teng pen Siamsinte mi 200 kim, motor cycle 100 kim hi pah, ZYAte jeep 2, Haimual mawtaw khat, Chin Taung Than Bus Khat le adang theih loh Jeep khat cihdan in mitampi mah in delh suk uhi. Mipi tunma in Tedim palikte natunbg masa, aliam, anaite konlo uh in, kua teng sikhin cih nakan le na en koikoi uh cimawk hi. Siamsinte, ZYAte le avei teng atun khit ciang asite zong, adam laite zato puak theihna ding phu khia uhi. Palikte in zato puak ding phallo ahimanin Siamin makaite in na ngik gawp uhi'in atawpna ah Tedim zatopi ah aliamte kipuak thei hi. Aihang lamkal ah sanggamte 2 in hong nusia pah uhi. Asak ah Galkap battalion 269 in hong delh lo hi. Adelh sunsun palik te in lah huhna ahi lo, asi, amangte ciapteh leh mawtawte mat ding bek thei uhi. Zato pan syamahte nih bel aphual ah apai uh hang septheih mel neilo ci uhi. Tedim zatopi ah zong acina laite akhoiding le adamsak zo ding siavuan le zatui, zaha kicinglo ahimanin lungkham huai mahmah ci uhi. Kawlzang lampan sepcialist te in delhto ding cih kiza ahimanin ki lam en mahmah ci uhi. Uital thunei lamte in zong thu nak kan mahmah uh cih hi. (bangkan hiam kithei lo, amau zong asisa te kiang ah akan theihna dingun si masa phot le uh kici tek hi)
Mi bangzah in hong sihsan cih pen ki gen cian thei nailo hi. Mi 16 akl 17 akl 18 val ci tawh ki gen koikoi hi. Tedim ah siavuanpipa in zong bangzah si cih gen nuam lo mawk hi. Sanggamte nuntak bei lawhna mangngilh ngei keitek ni.