Kitelna Tawh Kisai Zogam Thu Tuamtuam

Union Election Commission ah Chin State min tawh palai dingin Buddhist thuzui Kanpalet khua pan Dr Ba Maung PhD(History) Deputy Director, Historical Research Department hi.
Chin State sungah bel State, Distric, Township, Village ci'n abanban in kiptak in kiseh hi. Tedim kampau sungpan State level ah Sia Nang Mung member in kihel cih kiza hi. Falam District level ah Tedim pan Pa Vungh Suan Lian, Tonzang pan Pa Thang Khan Dal ci uhi. Township level ah Election Commission Lutangpi dingin Tedim pan Pa Pum Khan En le Tonzang pan Pa Lun Khan Suan ki ci hi. Mi kilaih zong om thei lai ding ci uhi. Alaih ding zong sehsa in om aci om hi. Hih Election Commission in Kitelna lut partyte tungah thunei mahmah ding uhi cih pen Kitelna Thukhun sungah kimu thei hi.

Tedim Cian Khai Zee te in Kitelna a lut uh ciang Pawllutang dingin Pa Tawng cial uh cih kiza hi. Tedim Cian Khai Zee makai Sya Kham Suan Mung zong Naypyaydaw ah meeting kah in apaina pan April 14 in Tedim tung kik ci hi.
Mi pawl khat in individual in kitelna lut dingni Pa Lian Bawi (cycle bawl)han thawn uh ci hi. Pa Lian Bawi in bel cidam kisa lo lua ahimanin sawm lo ci uhi. Amah pen gam le minam a it mahmah leh thuman thutak lam pan apang den khat hi.

Tonzang NUP te in mekuang lui dingin Siapi Zam Khen cial sawm uh cih zong kiza hi.