Best of Asia Expo 2010 Aizawl

Zogam khuapi khat mah ahi Aizawl ah April 12 in Best of Asia Expo 2010 pawi ah Chief Minister Pu Lal Thanhawala in va uap hi. Thailand, Myanmar, Bangladesh, Bhutan, Nepal, China, Sri Lanka le India gam pan van kibawlte a kim in kilak zihziah hi. Aizawl ah a khat veina hi'n Kalkatah pan Nirvana Pilgrim Society Expositions le Mizoram Entrepreneurship Network (MEN)te nasep khopna ahi hi.
Pu Lal Thanhawala in gam tuamtuam pan mihaute le inntek mipi mai ah athugenna ah ' Hi zah in Asia gam tuamtuam pan van manpha tampi te kizuak khop theihna kagam kalei uh ah hong om theih angtang mahmah ung ci hi. Mizoram pen India gam ah gamdai mahmah in nuntak nuam mahmah tase leh lampi tawh kisai sak el khang kikawmna haksatna hang le inn mun logam kicin lohna hangin mundang pan in sumzuak sumpai dingin mihaute hong lut lo uhi. Mailam ah tuate alem theihna dingin vai hawm ding hi ung ci hi. Tua ban ah Mizoram pen India gam ading in South Asia tawh kikawmna ding kong khak mun ah om ahimanin mailam ah tampi khantohna lam ki manawh hi ci hi.Best of Asia Expo 2010 Aizawl pen April 10-19 sung hi.
Src: Nagaland Post