88 Sangnaupang Makai Ko Mya Aye Taunggyi Gilbem ah Kituah

88 sangnaupang makai Ko Mya Aye Taunggyi gilbem ah April 9 in kituah ci uhi. Amah pen Lashio gilbem ah om hi zaw in, a lungtang natna kipan kik ahimanin Taunggyi ah kituah ci uhi. A natna hangin aci asa bawk gawp ci uhi. Taunggyi gilbem ah a innkuanpihte in thong an apuak theihna ding uh lamen mahmah uhi. 2007 kum August kha sung in thumanlo pi'n akiman hi'n kum 65 thongtang dingin thukhenna thuak hi. Amah pen midang tawh akibat lohna ah Kawlte hilo in Muslim ahi hi. Tua ahimanin uitalte sim mawhna, vuakna gilbem ah thuak phadiak hi. Kawlgam Muslim sung pan zong a minthang mahmah innkuan sungpan akhang khia hi'n tangtawng in apu apa khang akipan mihau innkuan ahi uhi.