2010 Kitelna Tawh Kisai ASEAN Gamte Dinmun

2o10 Kitelna Thukhunte puah phat kul masa hi. (Philipine)
March 17 ni akipan akibawl Non Aligned Assembly ah inntek Philipine Foreign Minister Alberto Romulo in NLD makai Daw Aung San Su Kyi kihel theih loh nangin aki khung thukhunte puah phat ding SPDC pan Foreign Minister U Nyan Win kiang han thawn hi, U Nyan Win in sang lo hi.
(March 18, 2010VOA)

Gambup Kilemkikna National Reconciliation ngah kik na ding lampi gamla tektek hi. (Singapore)
NLD in kitelna ah lutloh ding a khensatna thu uh hong pulak ciang in Gambup Kilemkikna lampi lampi gamla tektek hi ci'n Singapore kumpi in gen khia hi. Gambup kilemkikna omlo in Kawlgam ah kikhelna taktak piang thei lo ding cih pen Singapore in zong sang thei hi. Kitelna ah NLD akipan party khempeuh le aki helding in kilawm teng a lut kim ding deihsak na thu Singapore in SPDC tung ah han thawn hi.
Party makai Daw Aung San Su Kyi om lo in kitelna lut loh ding NLD in akhensat na thu diksa ing ci in Singapore thunei sung pan ulian khat ahi Mr Chars Cheung in ma mimal khat muhna in gen hi. (March 31, 2010 RFA)

Opposition party te kihel kim thei ding kitelna bawl un (Indonesia)
Daw Aung San Su Kyi le NLD te kihel thei lo dingin aki khung Kitelna Thukhun tawh kisai in Hanoi, Vietnam ah April kalnih na sungin akibawl ding ASEAN Summit ah kikupna om ding hi ci'n ASEAN Director Mr Vitavas in gen hi.
Galkap kumpi in akam ciam piaksa mah bang in thuman thutak tawh Kitelna bawl ding ahi leh Daw Aung San Su Kyi kihel theihna ding vai hawm kul hi ci'n Indonesia in han thawn hi. Tua thu tawh kisai in Indonesia Foreign Minister Mr. Marta Natalegawa in March 30 in Kawlgam ah azin sungin galkap makai te kiang a pulak hi. ASEAN Summit ah zong tua thu mah han thawn pen ding hi ung ci'n Indonesia Foreign Ministry pan spock person Mr Tikok Phaiza in gen beh hi.
(April 1, 2010 RFA)

Suaktatak in Kitelna a om theihna ding Galkap kumpi taw sawn ding hi ung. (Thailand)
Thai gam in Kawlgam ah gambup Kilemkikna a piang theihna ding vai ah mikim kihel theihna ding tawh kisai in lung himawhna nei ung ci'n Foreign Minister Mr Kasit Piromya in AP news ah pu lak hi. NLD te zong suak tatak in amau din mun apulakna uh zahtak ing, thupi sim mahmah ing ci in gen beh hi.
Kawlgam gamvai ah mikim kihel theihna dingin gamvai nasem thongkia teng khah khia ding, mawh kimai sak ding kisam pen hi ci hi.
Democracy ngah theihna ding kal khat suan na in Kitelna bawl a hih leh, tua kitelna pan gambup kilemkikna piang sak zo hiam, mi pawlkhat ading bek hiam cih ngaihsut kul hi. Gambup kilemkikna lah piangsak zolo, mi pawlkhat ading bek piang sak zo ahih leh kal khat suan masak na ahi Kitelna pen picing cih om thei lo ding hi ci'n Mr Kasit in AP news ah gen hi.
2010 Kitelna ah opposition party teng, ethnic party teng akihel theihna ding Thai gam in deih sak pen le Kawlgam pen Thai ading in gamveng sungpan a thupi pen gam hi ci'n Foreign Ministry pan Mr Chavanont Intrakomalyasot in zong pulak hi.
(April2, 2010 AP news, Bangkok Post)

Kitelna ah suahtakna le thumanna tawh bawl ding hahkat pen un, Kawl kumpi te democracy lam manawhna te tha pia mahmah ung (Vietnam)
Vietnam Prime Minister Mr Nguyen Tan Dung in Kawlgam ah April 2-4 sung hawh hi. April 4 in Galkap kumpi tawh Statement a tangko khopna uh ah 2010 Kitelna ah suahtakna, thuman tawh vai hawm ding thukim na, galkap kumpi te kalsuanna ahi road map 7 te zong thukimpihna le Kawlgam vai tawh kisai in innkuan sung thu vai hawmna te ah neltak in galkapte in avanna te uh telcianpihna nei ci hi. (Vietnam le SPDC joint statement pan)
Note: Vietnam in kum khat term ahi ASEAN Chairman za Jan 1 2010 in ngah hi.