ZNC Pan Mipi Cialna le Hanthotna

It luat Zomi.,

Kum 63 cin Zomi Nam Ni hongtung petpet ding hita hi. Ih omna tekpan
in ih lung himawh tek hi. Alawphuai leh a angtanhuai mahmah ni thupi
khat ahih lam ih theih man ahi hi.

Zomi National Congress (ZNC) in anuai aa bangin mipi kongcial uhi

1. Zomi Nam Ni koikoi ah na om zongin ahih theih liai leh Zopuan na
silh hamtang in.
2. Zopuan na neih kei aa (or) khualum luatna hang in na silhzawh kei
zenzen leh Zomi na hihna akilatna dingin na pumtung mun khat teeiteei
ah vaphual lim beek ahi zongin suang hamtang in.
3. Pasian’ tung ah lungdamkohna, Zomi sung ah ki it kilemna akhantohna
ding, leh Zomi Zogam mahmah Pasian in thupha hong pia in Ama’
Minthanna ding in hong zatna dingin thungetna hun nala hamtang in.
4. Zomi Nam Ni pahtawina in Zomi Nam Ni in thupha khat peuhmah bawl hamtang ni.

Tulaitak in Kawlgam bup ah Zomi Nam Ni leh Second Panglong muakna
sticker Zomi khangno te’n ahawm laitak uh ahi hi. Tukha 12 ni Union
Day aa kipan hawm kipan hi.Kuama peuh in hih Sticker akizelh theihtheih nading in ih batna tantan ih hawm tek ding in kong cial lai uhi.

Na facebook, twitter akipan social network na kihelnate, Blog, Webside, Multiply dong ah ahi zongin internet nazatnate ah, lai tawh ahizong in, sticker mah tawh ahizong in na thoh khia in la suang thei, hawm theih hi.

Sticker ettheih le laktheih dingin attachment tawh hong guang ung.

Zomi leh Zogam in Pasian’ Maipha Muden Ta Hen !
ZNC Info Team
19 Feb 2011
Src:zonet
Read more...

CNFte Leitung Kimvel IN Zuaukhem in Khualzin

Chin National Front @ Chin National Fucker kici CNF te in, uitalte tungah agaldo theihna ding uh in mun le mual le gam leitang lah nei lo,sikvan le galkap lah neilo, amun, amual dinguh lah nei nawnlo napi, leitungbup ah mi khempeuh khem koikoi in, a zinzin uh ei theih sa hi. Abeisa in paulap tuamtuam tawh leitungbup ah om Zomite hong zol koikoi khin uhi. Zogam ah zusa kialpi atun hun lai in zong kialpi huhna ci’n mun kici teng ah huhna dongin, asum ngah teng uh koi ah tung hiam cih ki thei lo in nasem khin uhi. Abei sa in mipi tungah hong bawlsiatnate uh le aginat lohna, hong tualthahnate uh pen gen dingin zong ki ut nawnlo, khang sawn in kithu vaikhak ding bek in aki nei den hi. Tuate thei napi uh in, tu in Zomibup sung ah, Zomibup dial khai khat zat khop ding cih tawh, om mawh thoih in, mipi khem dingin khualzin koikoi zen uhi. Hun khat lai in Zomite hong zuak den ahi Lian Mung Sakhong in Zomite Dialkhai khat zat khop ding cih khat hong sawm ngei hi. Tua pen ZRO Dial Khai tawh kibang khat hong hi’n ZRO makaite tungah Zomi khangnote in aki dot ciang in, ZRO makaite in Lian Mung pen amat khai khat hi cih tawh na dawn san ngei khin uhi. Tutung CNF te dialkhai thutheih zong World Zomi Congress(WZC)te kipawlna dial khai color zatteng guk sak leuleu mawk uhi. CNF te pai koikoi in azuau khemna uh pen Malaysia, Norway, Denmark, Thailand, Singapore, Canada akipan leitung gam sawm val ah zuau khem in zin khin uh ci hi. Tulaitak USA ah azin lai tak uhi. Tua dialkhai tawh kisai Kawlgam sung ah om ZNC, CPP le CNP makai te in amau muhna pulaknate Mizima Media pan gen khin uhi. Athei nuamte in na en zaw kik mai un. Zomite in kidop ding le khem i khem thuak lohna ding kisam hi. Ei Tedim lambek hi lo, Haka, Falam le Southern lam ah sanggamte atam zaw in CNFte mi in zong aki mu nawn lo hi.
Src:http://mizzimaburmese.com/news/inside-burma/6568--cnf-.html
Read more...

Mandalay Commander Pu Innkang

Mandalay Innpi huang sung ah om Mandalay Commander Pu Brigadier Ye Aung inn Dec 9 ni sun nai 1:30 PM hun pawl in kang cih kiza hi. Mei khau pan shock kipan hi’n khuasung mite thei sak nuam lo uh ahimanin Meiphiat nasemte mawtaw pan tangko sak lo in daptak in nasem sak ci uhi. Meikatna hangin a inntungbup kangtum ci uhi. Meikat lai tak in Bo Ye Aung pen Naypyaydaw pan hong pai Bo Than Shwe dawn in apai kal ci uhi. Bo Than Shwe pen Maymyo ah galkapbu thak dingte sangtuah pawi pai dingin hong zin hi a, Mandalay Innpi huang sung mah ah zin tung ding cih gelsa in anei khin un ci hi. Meikatna vai tawh kisai thunei lamte kuamah apau ngam omlo in, dai khipkhep uh ci hi.
Src: Irrawaddy
Read more...

Vaihawm Dan Tuamtuam

Suahtakna om kei, democracy ut ung, ko leh ko vai kihawm nuam ung, ko leh ko khantohna ko mahmahin sem nuam ung, ka gam uh kem nuam ung, ka gil uh vah sak nuam ung, ka nu leh pa te uh lungkim takin kem nuam ung, ka naupangte uh pilna, siamna ,theihna tawh khangsak nuam, pattah nuam ung.... na ci maithei, tuate koi pan ngah ding, kua in hong pia thei, kua khut sungah om, kua in a honna tawhtang, key, chahbi, ciangkang tawi.... kua in hong pia nuam, kua in hong pia nuamlo, kua in hong suhsak nuam.... dawnna ngah hak dotna bawl baih...

Ukcip ut khang, ukcip hi ngei kei ung, ko leh ko vai kihawm minam hi ung, ko leh ko a kikemtheite hi ung, tua manin vaihawmna hong pia kik un.... tua bang ahih ciang makaite in mipite mai ah thu hong gen uh a, kammal pawlkhat i zak ngeiloh khawng om hi. Tua te bang hi a, bang a cihnopna uh hi ding hiam? Mipi tungah bang hong gen uh hi peuhmah hiam?

Democracy, Federation, Republic, Dictator, Autocracy, Aristocracy, Monarchy, Tyranny, Military Junta, Socialist, Tribal, Band, etc....

1. Dictator: Dictator cih ciang mi khat bek in gamsung thuneihna khempeuh ama khutsungah tawi cihna hi. Ama hanciamna tawh gam khat thuneihna ama khutsung tungsak, tua tawh gamsung vaihawm, ama gen bangbang, ama cih bangbang kua mah in kalh theilo, nial theilo, langpang theilo, kuppih theilo, etc hi giap lel hi. Amah pen kumpi innkuan pan piang cih bang hi tuanlo a, ama hanciamna ngiat tawh a lak, a suhsak thuneihna ahi hi. Ukcip na tawh kivaihawm hizaw den.

2. Military Dictator: Hih vaihawmna ah thuneipa, thuneihna a tawipa in galkap thahatna tawh a gam sungah vaihawm in thagum tawh a kul bangbang sem cihna hi. Thaulawng tawh vaihawm cihna hi a, siahuai diakdiak hi. Amah a thallot zo, a sawnpai zo, a suhsakzo a om mateng sem himai hi.

3. Military Junta: 'Junta' cih pen 'committee' cihna hi a, military committee cihna hi. Gamsung vaihawmna khempeuh galkap lak pan a lubawk pawlkhat committee sepna tawh gamsung ki kem, kivaihawm cihna hi. Dictator ahih leh mi khat bek vaihawmna hi a, junta ahih leh amah bek hilo in a vaihawmpih mi honkhat om cihna hi. Thuneihna nei tawmcikte khutsungah gambup vaihawmna om cihna hi.

4. Autocracy: Autocarat cih ciangin mi khat khutsungah thuneihna 'mong neilo' (unlimited power) om hi. Ama thu bekbek mah hipah a, dictator tawh a kibang hipian hi. Dictator cih ciang gitlohna tawh kithuah vaihawmna hidiak a, autocracy ah bel gitlohna leh thagum tawh 'ukcip' hilo in, ama thulo tawh vai khat mahmah zong kihawm vetlo cihna hi.

5. Monarchy: Monarchy cih ciang gamsung vaihawmna khat ah a lian bel leh a thunei pen hi a, vai khempeuh amah thukimpihna tawh a kisem hi. Thu khat peuh khentat ding ciangin kidonga, dictator bangin amah bek deihdan bek in kivaihawm hi khin pah lo in, ahih hang ama thukimpihna a om mateng thu kikhentat theilo hi. A tamzaw ah innkuan in a pia suksuk thuneihna hi. Monarchy a kizatna ah amau gamsung ah vaihawm, nasem, thu sai taktak pen midang koih uh a, tua te in sem in, mipi tungah vaihawm uh a, ahi zongin monarch kiang pan thukimpihna la tawntung uh hi. Feudalism tawh kivaihawmna ah amau Lord ahi uh hi.

6. Feudalism: Hih kivaihawmna ah Lord, vassals, leh fief om hi. A topa, nasemte leh ukcip a omte. British colonial hun in London ah kumpinu pen a lord hi a, amau colony ah nasem a a koih khempeuh uh vassal hi in, a ukcip uh mipi khempeuh fief ahi hi. Nang a koi pen na hi a le?

7. Aristocarcy: Hih vaihawmna ah gamsung mipil misiam leh thuthei penpente tengkhia in vaihawmna hi a, Greek gam khantohna leh a thupi mahmahna uh hih hang ahi hi. A muan penpen teng uh gamsung vaihawmna sem sak uh a, sum hau pen te hi masa khollo uh hi. Monarchy ah bel a haupenpen te zahtakna kawm tawh a kisemsak, kua mah in a tuh ngamlo hizaw a, pil man, siam man hi masa lo hi. Rome gam a thupit mahmah na hang pen aristocracy hoihtak in zangthei uh ahih man hi a, tuni tanin Rome thupina kitheihmawhbawl theih hilo hi. Ahi zongin amau zong Julius Ceaser sih khit ciang mipil misiam lak ah a hauzaw deuh tengin a tu, a tate uh vaihawmna pia suksuk ut uh ahih manin kiamlam hong manawh a, tua bang huaihamna gah hoihlo hangin amau bek hilo French Revolution cihte nangawn hong pian lawh hi. French Revolution ah sikcip mipi in kumpi vaihawmna luh in, kumpi pa khualai zangah mi khempeuh muh in a ngawng tan uh hi.

8. Socialism: Socialism ah gam sung van neih khempeuh mipi a hi a, a neituam mimal omlo hi. Bawngpi khat na neih leh a nawi na suk ciang a neilo na innvengpa na kholh dinghi a, amau nang neihloh a neih uh nang hong pia ding hi. Mimal neih omlo in kumpi a vive hi a, a vaihawmte a zonghi tuanlo hi. Buh leh bal khempeuh kumpi kiangah pia dingin amau mi khempeuh ading akisap bang un hong zeekkhia ding cih hi. A thu in hoih mahmah, a tak in a kizui kim theilo vaihawmna ahi hi. India bang partially socialist hi a, zeekkhop ahi thei teng kumpi in mipi ading hong zekkhia hi, a vekpi in hilo in.

9. Federation: Federal state zong a kici pen state tuamtuam in amau state sungah thuneihna a neih ban vuah, thuneihna pawlkhat gawmkhawm in laizang kumpi (Central government, or Federal government) bawl uh hi. USA bang amau state 50 teng kipawlkhawm in Federal Govt. a bawl uh hi. Laizang Kumpi in ama ut bangin Federal State sungah vaihawm khin pah theilo hi. Amau state ciat ah vaihawm khit ciang hih teng semkhawm ni ciin a kipawl uh ahi hi. Makai pawlkhat in hih bang kipawlna leh vaihawmna ei adingin zong a hoih pen ding hi ci thei zel uh hi.

10. Tyranny: Tyrant kici vaihawmpa in gitlohna tawh thuneihna sungah kivaihawm giapgiap, a langdo peuhmah a phuk giapgiap, midang hoihna ding peuhmah khual vetlo, ama innkuanpih hi in hi kei leh ama mimal phattuamna leh meetna ding lo peuh a su giapgiap vaihawmna hi a, a gamsung hi in a gampua ah hita leh ama mai a khak thei peuhmah a dawm vetlo, ama thuneihna a sut thei ding peuhmah a omsak vetlo vaihawmna ahi hi. Dictator sang siahuai zaw lai a, hehpihna nei vetlo tawh kibang hi. Dictator te in bel thuneih a ut hi lel a, gitlohna leh hazatna neu pen tawh kithuah cihte hi khin pahlo hi.

11. Democaracy: Mipi kivaihawmna kici a, mipi thuneihna zong kici hi. Amau tungah vaihawm ding, thunei ding, gam sung khantohna leh ki kepnate a sai ding mipi in amau deih penpen tel theihna ahi hi. A tel khit uh ciang a deih uh a bat kei leh mipi in khek thei, kitel kik ciang pai thei uh hi. Tua manin a pil, a siam, a khangto gam ah hih vaihawmna nam pen a kideihpen leh a kizang penpen suakta hi. Ahi zongin a mipi te a pil kei leh a tamzaw deihna cih pen a hoihlo lam in lehvaat thei hi. Thudik, thumaan tawh vai kihawmna gam ah democracy kankan omlo ahi hi.

12. Tribal: Hih kammal pen a kiza mun mahmah khat ahi hi. Minam neu leh khangkhia ciil te pen tribal stage ah om kici thei zel hi. Beh leh phung ciang a thupi sak lai 'band' te sang kal khat in sangzaw, ahih hang minam tuamtuam tawh gamkuam khat ah teeng khawm, vai khat hawm khawm, vaihawmna khat sungah nungta khawm cih state level lah a tung nailote dinmun ahi hi. A kipatna uh pianna gui kibanga, a pau a ham uh kibang lai in, ngeina tawndan cihte kibang khin lai hi. State level a tun uh ciang ngeina kibanglo, pianna gui kibanglo, beh leh phung kibang lianlo te tawh vaihawmna khat ah om khawm ding uh hi. Tua level lah a tung nailote tribal kici hi.

13. Band: A niam penpen beh leh phung, meltheih u leh nau ciang kipawlna leh vaihawmna pen band kici a, gam lak ah singgah, theipuam zong a vakvak lai primitive te sang lah kal khat sangzaw, ahih hang tuate bang phialin muh masak nek masak in a nei lai, kepsa, kholsa cih peuhmah a nei nailo dinmun hilai hi. Guaktanga puansilhlo te sang lah sangzaw, tribal ci a amau leh amau vaihawm ding chief, hausa nei zo ciang lah hilo, beh kipawlna cih ciang khawng tawh a buaibuai laite ahi hi. Kipawlna leh vaihawmna te laidal tawh gelhsa thukhun cih bang omlo a, amau sung kum upate vaihawmna hipen hi.

14. Primitive: Vaihawmna cih bang omlo, singgah minna peuh zuan, gamsa tatna peuh ah delh, man in ne, upa pen gelna bangin ta, khua kip mun kip cih neilo a kul huna kisuan ziauziau, pem ziauziau, puansilh vanzat kician cih neilo, lo neih, singpuak cih omlo, khut leh ciangkang tawh gilvahna ding ngah theih peuh zong... vaihawmna gelna cih omlo, a hun zui a gamta hilel...

A tom in i gelh sukbial bual a, theihpakna ding cihna hi a, a kicingin a gelh thei om leng zaknop kan ding hi. Mihing khantohna leh kivaihawmna leh nuntakzia a theite genna pan hih bangin kikhen hi.

1. Guaktang a nektawm gamlak ah zong, ganhing peuh that in ne lai (hunter).. 'primitive' level.
2. Beh leh phung, meltheih u leh nau, khua khat, kuam khat ciang tawh vai neihkhopna 'band'.
3. Pianna gui kibang, ngeina kibang, pau leh ham kibang, etc te 'tribal'.
4. Ngeina kibang khinlo, pau leh ham kibanglo, mi tuamtuam, etc vaihawmna khat nei khawm 'state' level.
5. State tuamtuam kipawl khawm in vaihawmkhopna laizang kumpi 'Federal Government' nei.

Ei pawl koi level ah i om tam aw? Tuaksuk ding maw kahto ding?

Cimphawng...


Hau Za Cin
Phuitong Liim
www.hauzacin.blogspot.com
Src:Zonet
Read more...

Tedim Khualaizang ah Uitalte in Zomi Nungakno Khat A Buan Sawmna Vai (Second Edition)

Cope Topa Jubilee pawi manni ahi 28 Nov 2010 nitak nai 9:00 kim pawl in LIB 269 pan uitalte thum in Tedim khualai Zo Leng The gei ah (Zogam khuapi Tedim khualai zang ah, khua nawl gamlak hi lo) Lawibualte Pa Kam Go tanu nungakno kum 20 kim phading pen hong buansak sawm uh ci hi. Amah pen alawmpa tawh nungak tangval ngeina in zawlthu kigen in Zo Leng The gei ah tukhawm in zawl thu gen uh ci hi. Galkap thum in um cih in sum kyats 30,000 ngen in, apiak loh uh ciang alawmpa tum huan in, anungak no nu galkapte khat in abuan sawmna pan in, alawmpa tawh galkapte lai kik in, CCJ pawi ah tai phei in, mipi kiang ah huhna ngen in a ot uh ciang, aza tengin delh khat suah in ahot khiat uh ciang suakta pan ci hi. Tua mun ah CCJ-Main pan makai ahi E Khai in galkapte lam pan pang in cycle license nei lo i hih teh ei hong kiman zaw thei in cin buai na zong dah un ci mawk dan hi. Palik len ah aki ap ciangin galkapte lam pan thuneite om zaw in palik len ah kimanlo in mualtuk ah galkap camp ah kiciah pih ziau uhi.. Tua vai ah migi lo galkapte matna ah kihel Pa Thang Khan Dal le Langh Pau hi'n adiakdiak Langh Pau in E Khai tung ah lungkim phalo ci uhi. Galkapte lam pan sum 150,000 tawh nungaknu liau sum pia in, Tedim LIB 269 Commander pu in Pa Thang Khan Dal le Langh Pau puan ten khat tuak letsong pia in athu siang sak uh ci hi. Pa Hang Khan Khai @ E Khai pen tutung kitelna ah state parliament ading in USDP pan mekuang alauina ah Zozam lel hi. Hih vai tawh kisai in Zomi sungah E Khai din mun tawh kisai muhna tampitak hong piang khia hi. Athei tel nuamte in
Pa Thang Khan Dal, Phone. 070-50234 ah avui cing in kidong thei ci uhi.
Read more...

Leitungbup Zomite Innkuan Khat Pumkhat I Suahna Kikna Mualsuang Phuh Kha- November 2010

Zomi a kuamah peuh,

Leitungbup Zomi-te tangthu sung ah laimai thak ki gelhzia a tuamtuam om a tung sung pan in, November 2010 pen
Zomi bek thamlo Kawlgambup a ding in a ciapteh huai leh thu khakhat sung ah thu tam a pian kha hi kici thei hi.
A hang in:-

1. November 2010 sung in Pawl khat in vangam Pa' Inn hong zuat san a,

2. November 2010 sung in Pawl khat in Zomi bup lungkoh koh pawl bawl uh hi

3. November 2010 sung in Ei khang ah hong tung kik nawnlo ding ahi i Zolai neih zawh kum 100 cin pawipi ki bawl hi
4. November 2010 sung in leitung ah i neih ngei nailo leh khat bek i neih pan ahi Zomi Electronic Dictionary (eDic) pen Siamsinte' makaihna tawh kipawlna dang (5) mapang khawm in ki hawmkhia hi

5. November 2010 sung in khat vei bek akibawl Kawlgam kiteelnapi kinei hi

6. November 2010 sung in a khan tawn in mee' (ballot) cih limlim a kha ngei nailo leh a mu kha nailo kum 20 nuai khangno leh khangham tampi in mee' cih a zak bek hilo in, va mukha, va khoih kha ngiat in, va khia lai uh hi

7. November 2010 in kum 20 sung gilbem ah a ki zau khum Pi Aung San Su Kyi kha kha demdam uh hi

8. November 2010 sung in gamdang tung Zomi te lak USA ah a tam pen mipi' ki kaihkhopna ahi Zolai pawlpi kibawl hi

9. Malaysia UNHCR U Lianpenpa leh Zomi Innkuan Makaipipa Zomi bup ai tang ding in galtai vai tampi tak kikupna leh thugenna nei khawm thei uh hi

10. Zomi leh Zogam a ding in huhna leh panpihna hun khat sung in tam akipiakpenna ahi CCJ a ding US$ 40,000/ val NGO te' huhna kihel vetlo in Zomi-te' neihsa ngiat tawh piakkhiatna kibawl hi

11. Minambup Reconcilation leh Reunification a ding in lianpen leh a gen tak pen akici thei phial ahi pawlpi tuamtuam pen "R" Group Zomi-te in GCCF (Global Chin Christian Fellowship) ci in US$ 40000/ val bei in Kualalumpur ah a bawl na uh ah Kawlgam pan tangmi leh palai mimal 70 zong kihel a, "G" Group Zomi te in Zolai pawipi ci in leitungbup mah pan a hi thei teng in Zogam kizuan kik in nasia tak in kibawl a, India pan in Zomi 70 mah hong kihel thei uh hi.

12. "R" Group Zomi-te in Chin min vawh i khil nuai sung a om teng Politics, Social leh vai dang khat peuhpeuh paulap in kigawm zo nawnlo ahih man in GCCF kipsakna pen

Biakna Makai ahi Dr. Hrekio leh Dr. Chum Awi minam bup kipawl khopna ding in campaign a bawl hun laitak mah in, "G" Group Zomi te sung ah zong biakna lam mi zahtak leh mipil ban ah Pasian' sathau nilh sa siampi vive makaih in sepkhopna ding in kalmasa kisuan hi.
( 1 ) Dr. Simon Pau Khan En ( Chairman )
( 2 ) Bishop Felix LIan Khen Thang( Vice Chairman )
( 3 ) Dr. Chin Do Kham ( Secretary )
( 4 ) Dr. Gin Khan Khual ( Member )
( 5 ) Dr. Do Suan Mung ( Member )

A bante laisim mipi in hong zomto lai ta un ci-in kong cial nuam hi.
A huampi in en leng i guallehna leh i kamsiatnapi pen khat hi a, a dang teng Zomi bup a ding in gualzawhna lan i khaina, mualsuangpi i phuh hun leh, lamthak tawh kalthak i kipat hun ahi hi. Job i nuntakna sung ah a tuahkhakna haksatna leh sihna, dahnate in a Pasian' a upna nungtolh sak zolo a, Pasian' mai zong in a ngei sang in Pasian in thupha a piak zawk mah bang in, tu a i tuah siat haksatnapi hang in i Pasian nungkik san lo a i masuante i zop mengmeng ding in hanciam ding kisam hi.

Singkungpi pen sang tektek leh huih pi, guahpi in nawk kha tektek a i Zomi bup movement pen hong lian semsem leh minamdang gen loh Zomi sung mah pan zong gensiatna leh kampau nengneng hong om zeuhzeuh thei ding a ngeina ahi hi. Tuate hang in i mailam khangtan sak zolo ding a, Pasian' tawh i kalsuan nak leh i tuak dahna leh kahna-te in Zomi-te ki pumkhatna ding hong khaktan zolo, Zomi bup in Pasian' i phat ding hong ddaltal zolo ahihna tutung Tedim Zolai, CCJ pawipi tungtawn pan in kimu hi. Pasian' kammal sung ah "sihna aw na gu koi ah om hiam..." ci in akito mah bng in sihnagute in (accident-te in) Pasian' tawh i kizopna hong khaktan zolo a, Zomi bup ki thutuak in i mapanna hong khaktan zolo hi. A nungta Vanglianpa' anglum nuai ah, ama khutkuak muanhuai sung ah kalsuan in a nungta, a gualzo Zomi-te ihi hi!

Tg. Sianpu
December 09, 2010
Src: Zomi Centre
Read more...

Karen Gam ah Tualgal Nasia

7 Nov 2010 akipan hong nasia kik san tualgal pen Karen gambup gamlak ah kizel mang khin in, DKBA bek hi nawn lo, KNLA, KNLA Peace Council, Karen Peace Force dongin, Karen kipawlna tengin amun lakna tel uh pan Kawl gamkapte tawh ki nak kap mahmah uhi. ABSDF te zong in hel in, 7 Dec ni kikap kipat kik kha khat acinni in KNU te phualpi lui ahi Maneplaw kuam teng ah lut in, kawl uitalte busim uhi. Maneplaw lakik zo din mun ah om uhi. 8 Dec in gamlak ah thau tawh kikapna pan uitalte in tha khan in, Russia te kiang pan alei uh galvan lengte Karen khuapi Pha'an ah tunto ta uhi. Gal vanleng azat ding uh tawh kisai in Thai kumpi phalna zong kisam veve ahimanin aki en cik san lai tak hi.
Read more...

Hollywood Star Michelle Yeoh Zangkong ah Nupinu Tawh Kimu

France Director khat in avai hawm ahi Divided Heart kici Kawlgam mipi makai Daw Aung san Su Kyi nutakna tangthu movie a ki zaih laitak hi. Tua mun ah DASSK mun ah akineih ding hollywood star Michelle Yeoh 6 Dec in Zangkong ah pai cih kiza hi. Tua ni mah in nupi nu tawh kimu in, NLD zum ah nitum cip in nupinu mit hek, kampau, zia le tongte ciamteh in etteh la ci uhi. Hih Movie pen Thaigam, Bankok kuam teng ah kizaih hi'n hon khat man khin ta hi. Michelle Yeoh in aman khin sa sung pan man hon khat pua in, nupi nu le NLD makaite alakna ah atakpi mah bangin kituak mahmah ci uhi. Nupi nu in nitak an nek pih suak in, zankim ciang a zintunna hotel ah ciah pan ci uhi. 7 Dec ni'n nupi nu tapa Ko Htein Lin tawh vanleng khat tuang khawm in Zangkong pan Bankok lam lawh cih tak in ciah kik khin hi. Movie sung ah nupinu suahna pan 1999 dong kihel ding ci uhi. Bo Yoke Aung San, Bo Yoke Nay Win, Bo Than Shwe, Bo Khin Nyunt,U Nu le gamvai makaite, 88 gamsung lungphona cihte, a innkuan sung haksatna cih dongin kihel ding ci uhi. Michelle Yeoh in hih movie ah akineih siam nading in France gam ah Kawlpau asin khin cih zong ki zak beh hi. Amah pen malaysia sente khat hi in Tomorrow Never Die, Crouching Tiger, Hidden Dragon cih akipan movie minthang tampi ah makai in kihel hi.

Src: RFA, irrawady, moe ma kha, abc,
Read more...

Bo Hum Ngai in Zomi ULian Khat Pangbet

4 Dec 2010 ni zingsang tung 6:30 AM hun in Zogam Khuapi, Haka ah thupiang hi. Kawl kumpite in kumsim phalbi tunsim in aneih uh ahi zingsang tung khuazang bup, mipi lam siauh pawi kinei den hi. Tukum zong Haka ah 4 Dec 2010 in kipan uh aa, mipi 2,000 val ding bang kihel thei hi. Kum dang in 500 kim khawng bek pha den ci lai uhi. Tua mun ah tulaitak Zogam Pu ahi Bo Hum Ngai zong makai in kihel hi. Kumpi nasem khempeuh zong zawh thawh thu tawh zingtung lam siau khawm ding cih thupiak aneih den uhi. Tulaiak Haka ah Township Peace and Development Council Chairman ahi Pa Suang Khan Thang, Saizang khuami, hi'n Bo Hum Ngai in mipi mai ah tai gawp in, mipai zah tawm lua, mipi kai khawm zolo, gina lo ci dikdek in athatang neih zah tawh apang bet sak ahimanin Pa Suang Khan Thang a sunglass (miat man)ki lawn khia in, kituk liang hi ci uhi. Tua thu tawh kisai Haka ah Zomi om teng, Haka khuamite akipan kumpi nasem sung ah alungkim kuamah omlo hi. Pa Suang Khan Thang pen ama pilna, nasep siamna le kump tampi kumpi nasem in minsiat nei ngei lo hi. Kua kumpi akah zong in Administration aki ci Interim Ministry ah ulian vuandok mangpi ahi den ding hi. Pa Suang Khan Thang pen 1979 akipan tuni dong citak tak in kumpi na sem hi'n BSc (Physics) , Master of Public Administration (MPA) man khin hi. Service bek tawh U Lian sem hilo in, pilna tawh asem hi. Kawlte dan in tattung bia hi leh Director General khawng angah khin ding hi. Kum 50 pha khin cih thu hangin zakhang sak nawn lo lai uh ci hi. Bo Hum Ngai pen galkap sung pan hai hang in, zakhang toto le Zomi ahihangin tattung biakna zui ahimanin ulian asuak bek zo hi. Kitelna ah zong apianna khua Mindat pan lut in, Zogam Paliman ading tel cing ngah hi. Zuahtatna le gitlohna tawh me zong uh in, sumtang 1,300 lakh val zang khia in, khantohna ding le lamtawhna ding pia hi. Mekuang luina ah alelh le tua sumte pen Mindat gam ah mite leiba suak dingin, loh kik sak ding cih tawh avat uhi. Tu in galkap kumpi ukna sung pan Zogam Pu asep mah bangin, hong pai ding kumpi thak kici le Paliman thak pan in amah mah Zogam Pu mah hong hisuak veve ding hi. Kawlgam mun tuamtuam ah ulian sem ding satan hawm khin uhi.

Note:Lengtong Blog pan akisuak sak thute pen direct in ki copy thei hi. Reference suahsakna ah www.lengtongblog.blogspot.com ci'n akicing in suaksak ding kisam hi. Tua lo in, data te la khia in, lak copy in, news thak dan in koi mah Zomi media, kawl media, mang media ah suahsak ding kiphal lo hi.
Read more...

Bo Khin Nyunt Kikhah Ta

2004 kum Oct 18 in Mandalay pan Zangkong lam manawh in aciahna pan Mingaladon vanleng tualpi ah kiman in thumanglo, golhgukne le thumanlo cih teng tawh zakia in kum 44 thong dan akipia Thukan Mangpi Bo Khin Nyunt Dec 3 nitak zan 12 in a inn ah haus arrest pan kikhah khin ta cih thu kiza hi. Zan 11:30 kim pawl in a inn ah galkap mawtaw pite le palik mawtaw 2 zan lut in, aden ciang nui hil hial tek sa uh ciah pah uh ci hi. A innkim ah sik dai ki um teng zong azan zan in hem khia uh ci hi. Ai hang hunbit in asuak ta hilo in, akikhah cih ciang hipan ci uhi. Kum guk sung akimatna sung in sum le pai ci mawh mahmah thei ahimanin a khan lai in asilh Air Force jarket te acing galkapte tung pan zuak sim sak zel thei ci uhi. A inn gei ah zong amah bangin house arrest khat om in, kua hiam cih kitel nai lo ci uhi. Anung zui sung pan ulian lui 20 kim zong asawt lo in ki khah ding ci uhi.
Src; FNG
2011 Kum thak khit kim akipan Kawlgam gamvai ahoih lam manawh thei ding hi.
Read more...

Bo Khin Nyunt Video Clip A Aw Kiza Thei Ta hi.

Read more...

Tedim Accident Relief Fund Blog

Tedim Accident Relief Fund Blog ci Manglai tawh mikim tel theih dingin akibawl Blog WZC vai hawmna tawh hong ki bawl khia khin hi.
www.tavrfund.blogspot.com
Read more...

Daw ASSK le World AIDS Day

Src: Mizima, DVB
Read more...

Uital Pute Sung Buaina Thusim

Tulaitak uital makai pu ahi Than Shwe, Maung Aye, Shwe Man akipan, SPDC member pu teng sung ah Daw Su Kyi suahtak khit anasepna te, mipi ngaihnate akipan gamgi dung ah Karente tawh akidona uh, akikpana te vai akipan, tua meikang kizelh suak leh Kawlgam bup kang ding ahimanin, uital sung ah muhna dan kibang lo in, nakpi tak in buai uh aa, meeting atut uh man nai lo cih kiza sim hi.
Read more...